*आशा भोसलेंची 'अनस्टापेबल' स्टोरी*

*आशा भोसले : सावलीतून बाहेर पडून निर्माण केलं स्वत:चं साम्राज्य: आशा भोसलेंची ‘अनस्टॉपेबल’ स्टोरी.*

_*🎦 "सफर सिनेमांची." 🎦*_

संकलन - साहेबराव माने. 

पुणे 9028261973

*सफर सिनेमांची ग्रुप मध्ये सहभागी व्हा आणि पोस्ट इतरांना फाॅरवर्ड करा.*👇

https://chat.whatsapp.com/E8l1UxMYgEKL8kpIJIdkZa?mode=gi_t

https://chat.whatsapp.com/E32WWJNrP91BFr07HznxWV

 संघर्षमय जीवन...तरीही आयुष्य संगीतासाठी वाहिले !

अंगाईगीतातला लडीवाळपणा…गझलेची नजाकत…भूपाळीतली शांतता…लहान मुलांच्या आवाजातले खट्याळ भाव…उडत्या चालीचं गाणं…शास्त्रीय रागावर आधारित चित्रपटगीतं, भक्तिगीतं, भावगीत, पॉप, कॅबरे, गझल…नाट्यसंगीत…असा सर्वच प्रकारच्या संगीतात मुक्त मुशाफिरी करणारा स्वर लाभलेल्या ज्येष्ठ गायिका आशा भोसले ! आपल्या कलेशी, गाण्याशी, स्वराशी आयुष्यभर एकनिष्ठ राहणाऱ्या…रसिकांचे आयुष्य सुरांनी समृद्ध करणाऱ्या स्वरसम्राज्ञी ‘आशाताईं’च्या जीवनचरित्राचा लेखाद्वारे घेतलेला अल्पसा आढावा !!! 

आशा गणपतराव भोसले यांचा जन्म ८ सप्टेंबर १९३३ रोजी महाराष्ट्रातील सांगली जिल्ह्यात झाला. त्या प्रसिद्ध शास्त्रीय गायक आणि रंगमंच व्यक्तिमत्व दीनानाथ मंगेशकर यांच्या कन्या आणि ‘भारताची गानकोकिळा’ लता मंगेशकर यांच्या धाकटी बहीण आहेत. त्या अवघ्या नवव्या वर्षी वडिलांचे निधन झाल्यानंतर त्यांच्या कुटुंबाला आर्थिक अडचणींचा सामना करावा लागला. आशा आणि लता यांनी लहान वयापासूनच कुटुंबाची जबाबदारी स्वीकारली. १९४३ मध्ये, त्यांनी ‘माझा बाळ’ या मराठी चित्रपटात आपले पहिले गाणे गायले आणि १९४८ मध्ये, ‘चुनरिया’ या हिंदी चित्रपटातील ‘सावन आया’ या गाण्याद्वारे त्यांनी बॉलिवूडमध्ये पदार्पण केले.

आशा भोसले यांनी २० हून अधिक भाषांमध्ये १२,००० हून अधिक गाणी गायली आहेत. त्यांनी शास्त्रीय, गझल, भजन, कव्वाली, पॉप, कॅबरे ते आधुनिक बीट्स अशा प्रत्येक संगीत प्रकारात आपली छाप सोडली आहे. ‘पिया तू अब तो आ जा’, ‘दम मारो दम’, ‘दिल चीज क्या है’ आणि ‘मेरा कुछ सामान’ यांसारख्या अजरामर गाण्यांमध्ये त्यांच्या आवाजाने जादू केली आहे. आर. डी. बर्मन यांच्यासोबत त्यांनी भारतीय संगीतात एक सुवर्ण अध्याय लिहिला. त्यांनी किशोर कुमार यांच्यासोबत अनेक अविस्मरणीय युगलगीतेही गायली.

संघर्षमय जीवन…तरीही आयुष्य संगीतासाठी वाहिले... 

त्यांच्या आयुष्याची सुरुवात सोपी नव्हती. वयाच्या अवघ्या १६ व्या वर्षी, त्यांनी तेव्हा ३१ वर्षांच्या असलेल्या गणपतराव भोसले यांच्याशी पळून जाऊन लग्न केले. कुटुंबाच्या इच्छेविरुद्ध घेतलेला हा निर्णय तिला खूप महागात पडला. नंतर ते विभक्त झाले आणि ती दोन मुले व एका गरोदरपणासह माहेरी परतल्या. तिचा तिसरा मुलगा आनंद याच्या जन्मानंतर, त्यांनी स्वतःला संगीतासाठी वाहून घेतले. पुढे, १९८० मध्ये, तिने संगीतकार राहुल देव बर्मन यांच्याशी लग्न केले, मात्र त्यांचे १९९४ निधन झाले.

संगीत क्षेत्राव्यतिरिक्त आशा भोसले यांनी उद्योजकतेतही प्राविण्य मिळवले. त्यांनी ‘आशा’ नावाची रेस्टॉरंट साखळी सुरू केली, जी आजही लोकप्रिय आहे. त्या दूरदर्शनवर परीक्षक म्हणूनही दिसल्या.

पद्मविभूषण पुरस्काराने सन्मानित

आशाताईची कामगिरी अतुलनीय आहे. त्यांना सात फिल्मफेअर पुरस्कार (सर्वोत्कृष्ट महिला पार्श्वगायिका), दोन राष्ट्रीय चित्रपट पुरस्कार, दादासाहेब फाळके पुरस्कार (२०००) आणि पद्मविभूषण (२००८) यासह अनेक पुरस्कार मिळाले आहेत. सर्वाधिक गाणी असलेल्या कलाकार म्हणून तिची ‘गिनीज बुक ऑफ वर्ल्ड रेकॉर्ड्स’मध्ये नोंद आहे.

*"सफर सिनेमांची" ग्रुप साठी मी साहेबराव माने. पुणे. 9028261973*

=======================