"पत्रिका आणि जन्म कुंडली जुळवताना चे गौडबंगाल" .भाग 23. संकलन - साहेबराव माने. पुणे. 9028261973. 19 आक्टोंबर 2022. "गुणगुणचक्रम."

*"पत्रिका आणि जन्म कुंडली जुळवताना चे गौडबंगाल."* 
भाग 23. 
संकलन - साहेबराव माने. 
पुणे. 9028261973. 
19 आक्टोंबर 2022. 

*"गणगुणचक्रम"*

 हा गुणांचा प्रकार मुला - मुलीच्या गणाशी संबंधित आहे. या विभागाला जास्तीत जास्त सहा गुण आहेत. सर्व नक्षत्रांची विभागांनी पंचांगकर्त्यांनी तीन प्रमुख गणात केलेली आहे. सत्तावीस नक्षत्रं असल्यामुळे प्रत्येक गणात नऊ नक्षत्रे येतात. गण निवडताना प्रचलित व्यवस्थेशी संबंधित देव, मनुष्य आणि राक्षस असे निवडलेले आहेत. आपला मुलगा अथवा मुलगी देव, मनुष्य किंवा राक्षस यापैकी एका गणात समाविष्ट असणारच आणि तो ठरविण्याचा अधिकार जन्मदात्यांना अजिबात नाही. गण हे मुलामुलीच्या नक्षत्रावरून ठरतात ते खालीलप्रमाणे :

▪देवगण - अश्विनी, मृग, पुनर्वसू, पुष्य, हस्त, स्वाती, श्रवण, अनुराधा, रेवती 
▪मनुष्यगण - भरणी, रोहिणी, आर्द्रा, पूर्वाफाल्गुनी, उत्तराफाल्गुनी, पूर्वाषाढा, उत्तराषाढा, पूर्वाभाद्रपदा, उत्तरा भाद्रपदा 
▪राक्षसगण - कृत्तिका, आश्लेषा, मघा, चित्रा, विशाखा, ज्येष्ठा, मूळ, धनिष्ठा, शततारका

 नक्षत्रांची तीन गणांत विभागणी कशाच्या आधारे केली ? असा प्रश्न पंचांगकर्त्यांना विचारणे इष्ट नाही. कारण त्याचे उत्तर ठरलेले आहे 'आम्हाला वाटले म्हणून !' गणगुणचक्रमचे कोष्टक लेखाच्या सुरुवातीला दिले आहे.

मुलगा आणि मुलगी एकाच गणातील असतील तर सहा गुण मिळतात. मनुष्य आणि राक्षस गणातील मुलामुलींना शून्य गुण मिळतात. याला गणदोष म्हणतात आणि लग्न करण्यास परवानगी नाही. का ? म्हणून विचारायचं नाही, असा संस्कृतीचा शिरस्ता आहे. मुलगा अथवा मुलगी स्वभावाने चांगली असणे, सामाजिक भान जपणारे, इतरांना मदत करणारे याला काहीच किंमत पंचांगकर्त्यांने गण ठरवताना दिलेली नाही. *व्यक्तीच्या नक्षत्रावर देव अथवा राक्षस गण ठरत असेल तर दरोडेखोर, भ्रष्टाचारी, गुंड हे देव असणे आणि प्रकाश आमटे, मेधा पाटकर, डॉ. नरेंद्र दाभोलकर, डॉ. एम एम कलबुर्गी, प्रा. एन डी पाटील, डाॅ. जयंत नारळीकर, कॉ. गोविंद पानसरे या व्यक्ती राक्षस गणात जाण्याची दाट शक्यता आहे. देव अथवा राक्षस व्यक्तीच्या कामावर न ठरता व्यक्तीचा जन्म कोणत्या नक्षत्रावर झाला यावर ठरत असेल तर या गुणाला कचऱ्याची टोपली दाखवणेच उत्तम.* पंचांगकर्त्यांचे अभिनंदन यासाठी कि, त्यांनी इथे ब्राह्मण वर्गाला मोठेपण दिलेले नाही. *गुणांची उधळण कशावर करावी ? आणि ती कशी करावी ? याची साधी अक्कल जर पंचांगकर्त्यांना नसेल तर आपण का त्या गुणमिलनाची कास धरायची याचा विचार सर्वसामान्यांनी करणे गरजेचे आहे.*
मघा नक्षत्राची दीपाली, राक्षस गणात तर अनुराधा नक्षत्राचा सुनील, देव गणात समाविष्ट होतो. दिपालीच्या बायोडेटामध्ये राक्षस लिहीताना दिपालीच्या पालकांनासुद्धा काहीच गैर वाटत नाही, हे आपल्या महान संस्कृतीचं मोठेपण आहे. आपली मुलगी राक्षस कशी काय ? हे विचारण्याचे धारिष्ट्य ना पालकांकडे ना दीपालीकडे. दीपाली - सुनील जोडी राक्षस - देव गणात असल्यामुळे त्यांना गणगुणाचा फक्त एक गुण मिळतो. *सांगलीमध्ये व्याख्यानानंतर एमबीबीएस झालेली मुलगी मला म्हणाली 'सर मला एम.डी. स्थळ आलेलं होतं. मला मुलगा पसंत होता. ओळखीचा, होतकरू आणि निर्व्यसनी होता. परंतु पत्रिकेत गणादोष आल्यामुळे आमचं लग्न ठरलं नाही. माझ्या बाबांनी स्थळ नाकारलं. उच्च विद्याविभूषितांचं सुद्धा या पत्रिकेबाबत काही चालत नाही, याचे हे द्योतक. 😔*
मुलगीचं नक्षत्र मघा असल्यामुळे तिचा गण राक्षस तर मुलाचं नक्षत्र भरणी असल्यामुळे त्याचा गण मनुष्य. राक्षस - मनुष्य या जोडीला या विभागांतर्गत शून्य गुण मिळतात. यालाच गणदोष म्हणतात. 
*मनाला प्रश्न पडतो की हा दोष डॉक्टर मुलाचा, डॉक्टर मुलीचा, गुण निर्मात्याचा, पालकांचा की परिस्थिती निर्माण करणाऱ्या समाजव्यवस्थेचा !?*

*यापूर्वीचा "पत्रिका आणि जन्म कुंडली जुळवताना चे गौडबंगाल".*
भाग 22.
वाचण्यासाठी खालील लिंकवर क्लिक करा. 
*"ग्रहमैत्रीगुण"*

http://sahebraomane1967.blogspot.com/2022/10/22-9028261973-18-2022.html

*🔭 वैज्ञानिक दृष्टिकोन🔬*
साहेबराव माने. 
पुणे. 9028261973. 
19 आक्टोंबर 2022. 

*(पुढील भागात "राशिकटगुणचक्रम" )*

- *डॉ. नितीन शिंदे यांच्या 'पत्रिका जुळवताना' या पुस्तकातुन साभार.*

Comments

Post a Comment

Popular posts from this blog

“देवाला रिटायर करा” – डॉ. श्रीराम लागू. जन्म - 16 नोव्हेंबर 1927. संकलन - साहेबराव माने. पुणे. 9028261973. साभार - इंटरनेट. 16 नोव्हेंबर 2022.

Image
*“देवाला रिटायर करा” – डॉ. श्रीराम लागू.* जन्म - 16 नोव्हेंबर 1927. संकलन - साहेबराव माने.  पुणे. 9028261973.  साभार - इंटरनेट.  16 नोव्हेंबर 2022.   *नविन वाचकांना विज्ञान ग्रुप मध्ये सहभागी होण्यासाठी लिंक दिली आहे. Only science related post alloweded.* https://chat.whatsapp.com/79C4zOqk48g14qCvC84U9c देव कुणीही पाहिला नाही. ज्यांनी देवाचा साक्षात्कार झाल्याचा दावा केला; त्यांना इतरांना देव दाखविता आला नाही. सर्वच धर्मांमध्ये देवाच्या नावाने थोतांड आहे. जोपर्यंत धर्मगुरू ही व्यक्तीपूजक संकल्पना अस्तित्वात असेल तोपर्यंत देवाचे अस्तित्व कायमराहील. मानवी सामर्थ्य अमर्याद असून, त्याच्या कल्पनांना मर्यादा नाही, या कल्पना प्रत्यक्षात उतरविण्याच्या त्याच्या बुद्धी, जिद्द आणि कार्यशक्तीलाही तोड नाही. अंधश्रद्धा ही जी सामाजिक कीड आहे ना, ती खरे तर देव या काल्पनिक पात्राने निर्माण केली आहे. जगात देव अस्तित्वात नाही, परंतु समाजातील काही आळशी आणि कर्तृत्वशून्य माणसांनीच त्याचा बागुलबुवा उभा केला. *ब्लॉग मधील इतर लेख वाचण्यासाठी खालील लिंकवर क्लिक करा.*👇 http://Sah...
Read more

सद्गुरूवाचून सापडेल सोय.

Image
_*सद्गुरूवाचून सापडेल सोय!*_ _संकलन साहेबराव माने._ _पुणे - 9028261973_ लेखक - डॉ. हमीद दाभोलकर.   मनोविकारतज्ज्ञ, मअंनिस कार्यकर्ता *_विज्ञान ग्रुप मध्ये सहभागी व्हा आणि पोस्ट इतरांना फॉरवर्ड करा._* 👇 https://chat.whatsapp.com/FLVTkZ5rlwtD9OoHZmpvG3 *आधुनिक उपचारांवर टोकाची टीका करणारी, केवळ ध्यानधारणेने आजार दूर होऊ शकतात, असे दावे करणारी व्यक्ती स्वत: आजारी पडल्यावर आधुनिक वैद्यकशास्त्राची मदत घेत असेल, तर या दाव्यांची सार्वजनिक चिकित्सा करणे आपले कर्तव्य ठरते.* ‘सद्गुरु’ नावाने ओळखले जाणारे जग्गी वासुदेव यांना मेंदूत रक्तस्राव झाल्याने रुग्णालयात दाखल व्हावे लागले होते.  रक्तस्राव होण्याच्या जवळपास एक आठवडा आधीपासून रक्तदाब वाढल्यामुळे त्यांचे डोके दुखत होते. त्यांनी स्वत:च्या आरोग्याकडे दुर्लक्ष केले. दुखणे बळावल्यामुळे त्यांच्या मेंदूवर शस्त्रक्रिया केल्याची माहिती ‘ईशा फाऊंडेशन’ने दिली. दिल्लीमधील अपोलो रुग्णालयात त्यांच्यावर उपचार करण्यात आले. शस्त्रक्रिया आणि इतर औषधोपचारांनी त्यांचा त्रास आटोक्यात आणण्यात आला. चांगली गोष्ट अशी की, आता त्यांची प्रकृ...
Read more

*स्वतःची विष्ठा दान करून 'ही' तरुणी एका मोठ्या संशोधनाला हातभार लावतीये!*संकलन - साहेबराव माने पुणे 9028261973. 25 एप्रिल 2022.

Image
*स्वतःची विष्ठा दान करून 'ही' तरुणी एका मोठ्या संशोधनाला हातभार लावतीये!* संकलन - साहेबराव माने  पुणे 9028261973.  25 एप्रिल 2022.  दान करण्याचं महत्त्व आपल्याला फार पूर्वीपासून सांगितलं गेलंय. पैसे, उपयोगाच्या ठरतील अशा वस्तू, कपडे इथपासून ते आपल्या शरीराच्या अवयवांपर्यंत अनेक प्रकारचं दान आपण करू शकतो. शरीराच्या प्रत्येक अवयवाचं दान करता येणं आपल्याला शक्य आहे. अर्थात, त्यासाठी सुदृढ असायला हवं. ब्लॉग मधील इतर लेख वाचण्यासाठी खालील लिंकवर क्लिक करा.  http://Sahebraomane1967.blogspot.com खाल्लेलं अन्न पचल्यावर शरीराला अनावश्यक ठरणारं टाकाऊ मलमूत्र, विष्ठा आपण रोज शरीराबाहेर टाकतो. प्राण्यांच्या शेणाचे आणि मूत्राचे बरेच उपयोग आपल्याला माहीत आहेत. गावाकडे शेण सारवण्यापासून ते शेणाच्या गोवऱ्या थापण्यापर्यंत अनेक प्रकारे गाईगुरांच्या शेणाचा उपयोग करता येतो. मानवी मूत्राचा वैद्यकीय उपयोग होतो हे आपण ऐकून असू. पण माणसांची विष्ठाही उपयुक्त ठरू शकते हा विचारही आजवर आपल्या मनाला शिवला नसेल. आपल्या शरीरातला नकोसा घटक म्हणून आपण विष्ठा बाहेर टाकत असलो त...
Read more