"पत्रिका आणि जन्म कुंडली जुळवताना चे गौडबंगाल". भाग 21. संकलन - साहेबराव माने. पुणे. 9028261973. 17 आक्टोंबर 2022. "योनिगुणचक्रम."

*"पत्रिका आणि जन्म जुळवताना चे गौडबंगाल."*
भाग : 21.
संकलन - साहेबराव माने. 
पुणे. 9028261973. 
17 आक्टोंबर 2022. 

*"योनिगुणचक्रम "*

 वधुवरांच्या नक्षत्रांशी संबंधित असलेल्या या गुण प्रकारात जास्तीत जास्त चार गुण मिळतात. प्रत्येक नक्षत्राला योनी असते असे यांचे अफाट ज्ञान. योनींची नावे पण फारच वेचक आहेत. उदारणार्थ अश्व, सर्प, उंदीर, मुंगुस, वानर, श्वान इत्यादी. माणसाला प्राण्यांच्या योनीशी जोडणारे हे पंचांगकर्ते कोणत्या काळात वावरत आहेत हेच समजत नाही. प्रत्येक योनीला असणारी नक्षत्रे पुढे दिलेली आहेत. 
अश्व : अश्विनी, शततारका 
गज : भरणी, रेवती
मेष : कृत्तिका, पुष्य 
सर्प : रोहिणी, मृगशीर्ष 
श्वान : अार्द्रा, मूळ 
मार्जार : पुनर्वसू, आश्लेषा
मूषक : मघा, पूर्वाफाल्गुनी 
गौ : उत्तराफाल्गुनी, उत्तराभाद्रपदा 
महिषी : हस्त, स्वाती 
व्याघ्र : चित्रा, विशाखा 
मृग : अनुराधा, ज्येष्ठा 
वानर : पूर्वाषाढा, श्रवण 
मुंगूस : उत्तराषाढा 
सिंह : धनिष्ठा, पूर्वाभाद्रपदा
 
 उंदराची योनी : समजा एखाद्याचे नक्षत्र मघा असेल तर त्या व्यक्तीची योनी होते उंदीर. काय कल्पना आहे पंचांगकर्त्यांची ! योनीला विज्ञानामध्ये जो अर्थ प्राप्त आहे त्या अर्थाचा कोणता अर्थ इथे लावायचा ? उंदराच्या योनीतून सदर व्यक्तीचा प्रवेश झाला की उंदीर योनीतून प्रवेशकर्ता झाला ? योनीगुणाचे कोष्टक लेखाच्या सुरुवातीला दिलेले आहे.

कोष्टकामध्ये गुणांची विभागणी शून्य ते चार कशाच्या आधारे केली ? असे प्रश्न विचारणे पंचांगकर्त्यांच्या दृष्टीकोणातून मूर्खपणाचे ठरेल. आपल्या दृष्टीकोनातून पंचांगकर्ते काय असतील ते मात्र आपणच ठरवायचे.
मघा नक्षत्र असलेल्या दीपालीची योनी मूषक तर अनुराधा नक्षत्र असलेल्या सुनीलची योनी मृग होते. दीपाली - सुनील या मुषक-मृग जोडीला योनीगुणाचे दोन गुण मिळतात. *मुळात योनी, नक्षत्र आणि व्यक्तीचा जन्म यांचा संबंध (?) लावुन गुण देणे हे एक अवैज्ञानिकपणाच लक्षण आहे. संबंध लावायचाच असेल तर दोघांच्या एकमेकांच्या स्वभावाचा संबंध लावा. एकमेकांच्या रक्ततपासणीचा संबंध लावा. पत्रिका पहायचीच असेल तर ती डॉक्टरांच्या कडे जाऊन 'आरोग्य पत्रिका' पहायला हवी जेणेकरून वधुवरांच्या वैवाहिक जीवनातील संभाव्य धोके लक्षात येतील. आज धकाधकीच्या जीवनात 'आरोग्य पत्रिका' महत्त्वाची आहे ती पाहावी आणि त्यावरुन गुण द्या. हेच जास्त योग्य. या गोष्टी शिक्षणाने सम्राट असलेल्या आजच्या पिढीला समजत नाहीत का? रुढी आणि परंपरा च्या नावाखाली आपणच आपल्या मुलामुलींचे (आरोग्य पत्रिका न पाहता भटजींची गरज नसलेली भलतीच गौडबंगाल असलेली पत्रिका पाहून त्या आधारे लग्न करुन) वैवाहिक आयुष्य खराब करत आहोत हे लक्षात असू द्या.*

*यापूर्वीचा "पत्रिका आणि जन्म कुंडली जुळवताना चे गौडबंगाल".*
भाग 20.
वाचण्यासाठी खालील लिंकवर क्लिक करा. 
*"तारागुणचक्रम."*

http://sahebraomane1967.blogspot.com/2022/10/20-9028261973-15-2022.html

🔬 *वैज्ञानिक दृष्टिकोन* 🔭
 साहेबराव माने. 
पुणे. 9028261973. 
17 आक्टोंबर 2022. 

*(पुढील भागात ग्रहमैत्रीगुण)*

- *डॉ. नितीन शिंदे यांच्या 'पत्रिका जुळवताना' या पुस्तकातून साभार.*

Comments

Post a Comment

Popular posts from this blog

“देवाला रिटायर करा” – डॉ. श्रीराम लागू. जन्म - 16 नोव्हेंबर 1927. संकलन - साहेबराव माने. पुणे. 9028261973. साभार - इंटरनेट. 16 नोव्हेंबर 2022.

Image
*“देवाला रिटायर करा” – डॉ. श्रीराम लागू.* जन्म - 16 नोव्हेंबर 1927. संकलन - साहेबराव माने.  पुणे. 9028261973.  साभार - इंटरनेट.  16 नोव्हेंबर 2022.   *नविन वाचकांना विज्ञान ग्रुप मध्ये सहभागी होण्यासाठी लिंक दिली आहे. Only science related post alloweded.* https://chat.whatsapp.com/79C4zOqk48g14qCvC84U9c देव कुणीही पाहिला नाही. ज्यांनी देवाचा साक्षात्कार झाल्याचा दावा केला; त्यांना इतरांना देव दाखविता आला नाही. सर्वच धर्मांमध्ये देवाच्या नावाने थोतांड आहे. जोपर्यंत धर्मगुरू ही व्यक्तीपूजक संकल्पना अस्तित्वात असेल तोपर्यंत देवाचे अस्तित्व कायमराहील. मानवी सामर्थ्य अमर्याद असून, त्याच्या कल्पनांना मर्यादा नाही, या कल्पना प्रत्यक्षात उतरविण्याच्या त्याच्या बुद्धी, जिद्द आणि कार्यशक्तीलाही तोड नाही. अंधश्रद्धा ही जी सामाजिक कीड आहे ना, ती खरे तर देव या काल्पनिक पात्राने निर्माण केली आहे. जगात देव अस्तित्वात नाही, परंतु समाजातील काही आळशी आणि कर्तृत्वशून्य माणसांनीच त्याचा बागुलबुवा उभा केला. *ब्लॉग मधील इतर लेख वाचण्यासाठी खालील लिंकवर क्लिक करा.*👇 http://Sah...
Read more

सद्गुरूवाचून सापडेल सोय.

Image
_*सद्गुरूवाचून सापडेल सोय!*_ _संकलन साहेबराव माने._ _पुणे - 9028261973_ लेखक - डॉ. हमीद दाभोलकर.   मनोविकारतज्ज्ञ, मअंनिस कार्यकर्ता *_विज्ञान ग्रुप मध्ये सहभागी व्हा आणि पोस्ट इतरांना फॉरवर्ड करा._* 👇 https://chat.whatsapp.com/FLVTkZ5rlwtD9OoHZmpvG3 *आधुनिक उपचारांवर टोकाची टीका करणारी, केवळ ध्यानधारणेने आजार दूर होऊ शकतात, असे दावे करणारी व्यक्ती स्वत: आजारी पडल्यावर आधुनिक वैद्यकशास्त्राची मदत घेत असेल, तर या दाव्यांची सार्वजनिक चिकित्सा करणे आपले कर्तव्य ठरते.* ‘सद्गुरु’ नावाने ओळखले जाणारे जग्गी वासुदेव यांना मेंदूत रक्तस्राव झाल्याने रुग्णालयात दाखल व्हावे लागले होते.  रक्तस्राव होण्याच्या जवळपास एक आठवडा आधीपासून रक्तदाब वाढल्यामुळे त्यांचे डोके दुखत होते. त्यांनी स्वत:च्या आरोग्याकडे दुर्लक्ष केले. दुखणे बळावल्यामुळे त्यांच्या मेंदूवर शस्त्रक्रिया केल्याची माहिती ‘ईशा फाऊंडेशन’ने दिली. दिल्लीमधील अपोलो रुग्णालयात त्यांच्यावर उपचार करण्यात आले. शस्त्रक्रिया आणि इतर औषधोपचारांनी त्यांचा त्रास आटोक्यात आणण्यात आला. चांगली गोष्ट अशी की, आता त्यांची प्रकृ...
Read more

*स्वतःची विष्ठा दान करून 'ही' तरुणी एका मोठ्या संशोधनाला हातभार लावतीये!*संकलन - साहेबराव माने पुणे 9028261973. 25 एप्रिल 2022.

Image
*स्वतःची विष्ठा दान करून 'ही' तरुणी एका मोठ्या संशोधनाला हातभार लावतीये!* संकलन - साहेबराव माने  पुणे 9028261973.  25 एप्रिल 2022.  दान करण्याचं महत्त्व आपल्याला फार पूर्वीपासून सांगितलं गेलंय. पैसे, उपयोगाच्या ठरतील अशा वस्तू, कपडे इथपासून ते आपल्या शरीराच्या अवयवांपर्यंत अनेक प्रकारचं दान आपण करू शकतो. शरीराच्या प्रत्येक अवयवाचं दान करता येणं आपल्याला शक्य आहे. अर्थात, त्यासाठी सुदृढ असायला हवं. ब्लॉग मधील इतर लेख वाचण्यासाठी खालील लिंकवर क्लिक करा.  http://Sahebraomane1967.blogspot.com खाल्लेलं अन्न पचल्यावर शरीराला अनावश्यक ठरणारं टाकाऊ मलमूत्र, विष्ठा आपण रोज शरीराबाहेर टाकतो. प्राण्यांच्या शेणाचे आणि मूत्राचे बरेच उपयोग आपल्याला माहीत आहेत. गावाकडे शेण सारवण्यापासून ते शेणाच्या गोवऱ्या थापण्यापर्यंत अनेक प्रकारे गाईगुरांच्या शेणाचा उपयोग करता येतो. मानवी मूत्राचा वैद्यकीय उपयोग होतो हे आपण ऐकून असू. पण माणसांची विष्ठाही उपयुक्त ठरू शकते हा विचारही आजवर आपल्या मनाला शिवला नसेल. आपल्या शरीरातला नकोसा घटक म्हणून आपण विष्ठा बाहेर टाकत असलो त...
Read more